Dollari sërish në rënie pas rritjes më të ulët të GDP-së në më shumë se 3 vjet

 28/10/2006 Dollari ra të premten, pasi administrata amerikane raportoi se gjatë 3- mujorit të tretë, ekonomia ishte rritur me ritme shumë të ulëta nga se pritej. Këto të dhëna kanë përforcuar pikëpamjen se norma e interesit nuk do të rritej më në afatin e shkurtër. Departamenti amerikan i Tregtisë vlerësoi paraprakisht se GDP është rritur me 1,6 për qind në 3 mujorin e tretë, në krahasim me 2,6 për qind në 3 mujorin e dytë, duke shënuar kështu shifrat më të ulëta në më shumë se 3 vjet. Analistët e Wall Stree kishin parashikuar një rritje prej 2,2 për qind. Euro u rrit deri në 1,2720 dollarë nga 1,2690 dollarë para publikimit të raportit, duke shënuar një rritje prej 0,2 për qind gjatë ditës dhe afër niveleve më të larta të 3 javëve. Dollari ra edhe ndaj jenit japonez deri në 118,25 jen, nga 118,40 para publikimit të të dhënave për GDP-në.
__________
marrë nga shekulli online / Florian Papadhimitri